【聰心直說】開波吧!攪嘢囉!

朋友堆中,想問佢會唔會同你開波(不是拍拖)?
想同個date講自己某一特別性喜好,睇吓佢會唔會試?
其實自己有出去玩,想正式同個partner講不如open relationship?
……

在開首同 Siu Cho Joseph 討論攪這個「開波吧!攪嘢囉!」工作坊時,有想過唔攪。小曹本身介紹如何運用「非暴力溝通」於「性」邀請中,已有多次經驗; 不過,當諗到如何運用於男男之間時,有一定難度。

非暴力溝通著重於了解及表達自己的需要之餘,亦會在意對方,期望不會破壞彼此關係。反之,現時男男之間的性邀請可以是發生在「三言兩語」之間 – 「1定0?」、「有無地方?」、「CF?」……match就繼續,唔match就BIB(Bye, Ignore, Block),哪有溝通或關係可言?

停一停,心呼吸。

給各自一些時間沉澱後,我與小曹察覺到我們其實被現時的apps識人文化主導了。事實上,男男之間的性仍然會發生於大家都在意的關係之間,而性邀請不單限於對方同唔同自己開波,亦可是邀請對方滿足自己的一些性喜好或希望與對方發展某種性關係模式。

我有著多年的性健康推廣工作經驗,聽過不少故事(其實自己都有經歷過),所以可以很快舉一反三,聯想到不少會令人困擾,又或難於啟齒的「性邀請」情景,同時又不想在提出後破壞彼此關係 – 包括在朋友、date同partner之間。

今個星期六,一齊嚟探索!

>>>「他他靜觀」:開波吧!攪嘢囉!(HEvolution x 小曹 交換能量)
活動詳情: http://hevolution.hk/nvc2/

Photo by Annie Spratt on Unsplash
_________
【聰心直說】聰為HEvolution召集人,與你靜觀生活中的思與想。